Алматы мен Алматы облысында жарты миллионнан астам ескі көлік бар
2025 жылдың мамыр айындағы жағдай бойынша Алматы қаласы мен Алматы облысының жолдарында 20 жылдан асқан 500 мыңнан астам жеңіл көлік қатынайды, – деп хабарлайды KazTaspa.kz Energyprom.kz сайтына сілтеме жасап.
Қазақстанда барлығы 5,34 миллион жеңіл автокөлік тіркелген. Бұл өткен жылмен салыстырғанда 11,4% көбірек. Олардың ішінде 67%-дан астамы – 10 жылдан асқан, ал 20 жылдан асқан көліктер саны – 2,27 миллионға жеткен. Алматы облысында 20 жылдан асқан көлік саны– 333 мыңнан астам; Алматы қаласында – шамамен 196 мың ескі көлік бар.
Неліктен жолдарда ескі көлік көп?
Мұның бірнеше себебі бар:Қолжетімділік – ескі көлік жаңа көлікке қарағанда әлдеқайда арзан;Жөндеуге ыңғайлы – бұрынғы модельдерді өз бетімен жөндеу оңайырақ;
Жергілікті әдет пен жүргізу мәдениеті.
Қай өңірлерде ескі көлік аса көп?
Жамбыл облысында – ескі автокөліктің үлесі 83%;Жетісу мен Алматы облыстарында – сәйкесінше 79% және 78%.Жаңа көліктің көбеюіне кедергілер :-жаңа автокөліктің бағасы өте жоғары;-қолжетімді несиелеудің жетіспеуі;- ескі көлікті жою бағдарламасының әлсіздігі. Жаңа автопаркі бар өңірлерАстана қаласында – автопарктің небәрі 42%-ы ғана 10 жылдан асқан, бұл – елдегі ең төмен көрсеткіш.Атырау мен Алматыда – сәйкесінше 52% және 55%.
Сарапшылар ескертеді:
Көлік паркіндегі ескі машиналар:апат қаупін арттырады;
ауаға зиянды заттардың таралуын көбейтеді;экологиялық жағдайға және жол қозғалысының қауіпсіздігіне кері әсер етеді.
Салыстыру үшін:
Қазақстанда 10 жылдан асқан көліктің үлесі – 66%;Еуроодақта – орташа есеппен 39%;Жапонияда – 20%-дан төмен.
