Жылыту маусымына дайындық: Риддердегі жылу электр орталығында кезекті жөндеу жұмысы жүреді
Үкімет Риддердегі жылу электр орталығының жөндеу жұмыстарына шамамен 1.7 млрд теңге бөлді, – деп хабарлайды KazTaspa.kz Үкіметтің баспасөз орталығына сілтеме жасап.
Шаралар Мемлекет басшысының тапсырмасын жүзеге асыру аясында қолданылуда. Осы мақсатта ҚР Премьер-Министрі Үкімет резервінен Риддер ЖЭО жөндеуге 1,7 млрд теңге бөлінетіні туралы қаулыға қол қойды.
2024 жылы жылу электр станциясы тиімді басқарылуы үшін коммуналдық меншікке берілгеннен бастап жөндеу жұмыстары тұрақты түрде атқарылуда. Соңғы екі жылда Үкімет резерві мен облыс бюджетінен бөлінген қаражат қазандық пен турбиналарды жөндеу-қалпына келтіру жұмыстарына жұмсалды. Станцияның тозу деңгейі 75%-дан 46%-ға дейін төмендеді. 21,3 шақырым жылу желісіне жөндеу жүргізілді. Жылу желілерінің тозу деңгейі 67%-ға азайды.
2025 жылы алдағы жылдарда қамтылмаған қазандық агрегаттарын, турбоагрегаттарды және жабдықтың тұрақты түрде электрмен қамтамасыз етілуі тікелей байланысты кешенді тарату құрылғыларын жөндеу алға қойылды.
