Жастардың қаржылық жағдайын қиындататын ТОП-5 қате

Жастар алғаш рет өз бетінше ақша тауып, өмір сүре бастағанда, кенеттен шығындарға тап болуы оңай. Ақша бар кезде – оны жұмсау керек сияқты көрінеді. Бірақ бір айдан соң шындық өз ережесін еске салады: пәтерақы, азық-түлік, көлік, киім. Қаржылық сауатсыздық – үлкен қауіп, – хабарлайды KazTaspa.kz Fingramota.kz дерегіне сілтеме жасап.

Міне, қаржымен дұрыс жұмыс істемейтін жастар жіберетін 5 негізгі қате және олардан қалай сақтануға болады.

1. Жеке бюджет жүргізбеу – ақшаң қайда кеткенін білмейсіңКөп жастар табысы мен шығынын бақыламайды. Ақша тез таусылады, бірақ қайда кеткені белгісіз.

Не істеу керек?:

CoinKeeper, ZenMoney секілді қосымшалармен бюджет жүргіз.50/30/20 ережесін қолдан: 50% – міндетті шығындар (жалға алу, тамақ, көлік), 30% – жеке қалаулар (ойын-сауық, заттар), 20% – жинақ пен инвестиция.Жаңа тренд, гаджет немесе бренд қуалап жүріп, жастар табысынан көп жұмсап қояды.

Қалай болдырмау керек?:

Өзгені емес, өз жағдайыңды ескер.Бірден сатып алма – шешімді 24 сағатқа шегер.Басты мақсат: мәртебе ме, әлде қаржылық тұрақтылық па?

3. Несиені дұрыс пайдаланбау?

Кредиттік карталарды «тегін ақша» деп қабылдау – жиі кездесетін қате. Шын мәнінде, пайыз бен айыппұл – бюджетіңді жұтып қояды.Кеңес:Кредит шартын толық оқы.Кредитке көңілмен емес, ақылмен қара.Тұрақты табыс болмаса – несие алма.

4. Қаржылық мақсаттың болмауы

Нақты мақсат жоқ болса – ақша бекер жұмсалады, жинақ жасау да қиын.

Қалай түзетуге болады:

Мақсат қой: демалыс, техника, баспана.Соны кезең-кезеңмен жоспарла: қанша қажет, қанша уақытта, ай сайын қанша бөлу керек.Ілгерілеуді бақыла – бұл мотивация береді!

5. «Жеңіл пайда» уәдесіне сену

Жастар жиі алаяқтардың құрбанына айналады. «Еш әрекетсіз жоғары табыс» – бұл әдетте алдау.

Сақтану жолдары:

«Табыс кепілдігі бар инвестицияларға» сенбе.

Компанияны тексер, пікірлерін оқы. «Дроппер» болма – бұл қылмыс болуы мүмкін.