Жаңа Рим Папасы Украинадағы соғысты тоқтатуға дайын
Украина Президенті Владимир Зеленский жаңа Рим Папасы Лев XIV-пен маңызды кездесу өткізгенін мәлімдеді. Кездесудің басты тақырыбы – Ресей мен Украинаның бейтарап аумақта, яғни Ватиканда тікелей келіссөздер өткізу мүмкіндігі болды, – деп хабарлайды KazTaspa.kz.
Ватикан бұған дейін де халықаралық бейбіт бастамаларға бірнеше рет қатысқан.
Жуырда ғана қызметіне кіріскен жаңа Папа Лев XIV алғашқы күндерден бастап Еуропадағы бейбітшіліктің маңыздылығы туралы айтып келеді және Католик шіркеуінің арағайын болуға дайын екенін мәлімдеді.
«Папа – миллиондаған адам үшін үміттің символы. Оның даусы мен ықпалы соғысты тоқтатуда шешуші рөл ойнай алады. Егер диалог бейбітшілікке апаратын жол болса, біз оған дайынбыз»,
Соғыс, диалог және бейбітшілікті қолдау
Президент Украинаға қолдау білдіргені және бейбітшілік орнатуға ниет танытқаны үшін Қасиетті Таққа алғыс айтты:
«Келіссөздер өтетін орын болуға дайын болғаны үшін Ватиканға алғыс айтамын. Украинаға қолдау көрсеткені және әділетті әрі тұрақты бейбітшілікті қорғауда нақты ұстаным білдіргені үшін алғыс айтамын»,
Оның айтуынша, Украина тарапы кез келген форматтағы диалогқа дайын.
Майдандағы жағдай
Ресей мен Украина арасындағы қарулы қақтығыс 2022 жылғы ақпаннан бері жалғасып келеді. Осы уақыт ішінде бейбіт келісімге келу бойынша көптеген әрекеттер сәтсіз аяқталды.
Ватиканның бастамасы келіссөздер процесін қайта жандандыру үшін жаңа мүмкіндік болуы мүмкін.
