Талапкерлерге нұсқаулық: ҰБТ-дан кейінгі жасайтын қадамдар
Фото: Depositphotos.kz
Ұлттық тестілеу орталығы 2025 жылға арналған талапкер күнтізбесін жариялап, ҰБТ-дан кейін не істеу керегін түсіндірді, – деп хабарлайды KazTaspa.kz ресми ақпаратқа сілтеме жасап.
16 мамыр - 7 шілде аралығында негізгі ҰБТ өткізілуде. Ал жоғарғы оқу орындарына құжаттар қабылдау 20 маусым-25 тамыз аралығында жүреді.
«Педагогикалық ғылымдар» мен «денсаулық сақтауға» түсушілер үшін арнайы емтихандар қарастырылды. Олар 20 маусым мен 20 тамыз аралығында өткізіледі.
Шығармашылық емтиханға өтініш қабылдау 20 маусым – 10 тамыз аралығында өтеді. Емтихандар 7 шілде – 15 тамыз аралығында өткізіледі.
13 шілде – 20 шілде аралығында білім беру гранттары конкурсына қатысуға өтініш беріледі.
10 тамызға дейін грант иегерлерінің тізімі жарияланады.
