Шет елдік әуе компания Абу-Даби – Алматы бағыты бойынша рейстерді іске қосады
Фото: Pexels
2025 жылдың 1 маусымынан бастап Біріккен Араб Әмірліктерінің «Air Arabia Abu Dhabi» жаңа әуе компаниясы Абу-Даби-Алматы бағыты бойынша рейстерді іске қосады, – деп хабарлайды Taspanews.kz ҚР КМ Азаматтық авиация комитетіне сілтеме жасап.
Аталған бағыт бойынша аптасына 3 рет – сейсенбі, жұма және жексенбі күндері рейстер орындалады. Ұшу бағыты еш аялдамасыз, тікелей және тұрақты түрде жүреді.
Екі ел арасындағы әуе қатынасының ашылуы өзара сауда-экономикалық, іскерлік, туристік және мәдени ынтымақтастықты дамытуға ықпал етеді.
