Шерзаттың отбасы айыпталушылардың бірін жазаламауды сұрайды
Талдықорғанда жасөспірім Шерзат Полаттың қаза болуына қатысты іс бойынша сот ісі жалғасуда. Айыпталушылардың бірі – мектеп оқушысы, ол қылмыс жайлы алдын ала хабарламау бойынша айыпталуда. Алайда Шерзаттың отбасы жасөспірімге жаза тағайындауды талап етпейтінін жеткізді, – деп хабарлайды KazTaspa.kz.
2025 жылғы 2 маусымдағы сот отырысында жәбірленушінің қорғаушысы Шерзаттың әкесі Қаржаубай Нұрымов жасөспірімді толық кешіргенін мәлімдеді.
«Оның еш өкпе-реніші жоқ және соттан мейірім танытуды сұрайды»,
Қорғау тарапының екінші қорғаушысы Мустафаев та марқұмның отбасының ешқандай талап-арызы жоқ екенін растады.
Алайда соған қарамастан, прокуратура жаза тағайындауды талап етуде – мемлекеттік айыптаушы жасөспірімді 1,5 жылға бас бостандығынан айыруды сұрауда.
Жасөспірім «қылмыс туралы хабарламағаны» үшін айыпталуда. Сот шешімі әлі шыққан жоқ.
Еске салсақ, қайғылы оқиға 2024 жылдың 4 қазанына қараған түні Талғар қаласында орын алды. Дүкендердің бірінің алдында төбелес басталып, қақтығыс кезінде 16 жастағы Шерзат Полат пышақтан алынған жарақаттан көз жұмды. Тағы екі адам ауыр жарақат алып, ауруханаға жеткізілді.
