Шерзат Полаттың әжесі қаралы түннің мән-жайын айтты

2025 жылы, 18 сәуірде 16 жастағы Шерзат Полаттың қазасы бойынша қаралып жатқан сот отырысында марқұмның әжесінің сөзі тыңдалды, – деп хабарлайды Taspanews.kz.

Жұмабике Қадірова сол түні өмірі қалай өзгергенін айтып, көз жасын жасыра алмады. Ол таңғы оннан түнгі он бірге дейінгі ауысыммен жұмыс істеп, үйіне қайтқанын айтты.

«Бір құрбым телефон соғып: «Шерзат біреуді ұрды» деді. Олар күйеу балам, Шерзаттың ағасын оятуды өтінді. Мен жамандықты сездім және не болып жатқанын көру үшін өзім баруды шештім. Келінім екеуміз жолға шығып, такси ұстадық»,  – деді ол.

Оның айтуынша, оқиға орнына жеткенде топырлаған адамдарды көрген. Әжесі немересін іздей бастаған

"Ол менің қолымда өсті. Бокспен айналысқан, бірақ ешқашан ашушаң болған емес. Ешқашан ұрысқа араласпаған. Біреу пышақпен келеді деп кім ойлаған. Білсем, полиция мен жедел жәрдем шақырар едім. Жасөспірімдер төбелесіп қалды, шешеміз, кешірім сұраймыз деп ойлаған едім", – деді ол.

Ол бір сәтте бүкіл халықтың бір бағытта жүгіргенін айтты. Олардың арасынан Шерзатты да көрген. Біреу егде жастағы жәбірленушіні – Шерзаттың әжесін итеріп жіберген. Ол немересінің соққыға жығылғанын шарасыз бақылағанын ғана есіне алады.

"Онда болғандардың бәрі оны ұрып-соқты. Ол жай ғана телефон қуаттайтын құрылғы әкелуге шыққан еді. Шерзаттың досы Қытайға бармақ болған, олар сусын алмақ болып серуендеп жүрген. Ол түнде серуендеуге бармаушы еді. Әрқашан қасымда болатын», – деді ол көз жасын сүрте.

"Ішсе де, ұрысып қалса да шақырады". Фельдшерлер жұмыстары туралы сөз қозғады

06 октября 2024 13:25

Қазіргі таңда тоғыз адам айыптаушылар қатарында. Сот ісі жалғасуда.