Найзағай, бұршақ және аптаған ыстық: Алматыда демалыс күндері ауа райы қандай болмақ?
Аптаған ыстық, найзағай, екпінді жел және бұршақ – алматылықтарды алдағы демалыс күндері дәл осындай ауа райы күтеді. Температураның жоғары болуына қарамастан, ауа райы құбылмалы болады, – деп хабарлайды KazTaspa.kz ҚазГидроМет сілтеме жасап.
Алдағы үш күнде Алматыда ауа райы тұрақсыз болып қала береді. Күндізгі жылылық желмен және жауын-шашынмен алмасады, кей жерлерде нөсер жаңбыр жауады.
Жұма, 23 мамыр
Күндіз ауа температурасы +25…+27°C-қа дейін көтеріледі. Көшпелі бұлт жүреді, кей жерлерде жаңбыр жауады. Нөсер жаңбыр, найзағай және бұршақ болуы мүмкін. Жел оңтүстік-батыстан соғады – 3–8 м/с, найзағай кезінде жел екпіні 18 м/с-қа дейін жетуі ықтимал.
Сенбі, 24 мамыр
Түнде ауа сәл салқындайды – +14…+16°C. Аспанды бұлттар басады, кей аудандарда найзағай мен жаңбыр болуы мүмкін. Жел күшейіп, 5–10 м/с болады, найзағай кезінде жел екпіні 15 м/с-қа дейін жетеді. Күндіз +23…+25°C. Жылы ауа райына қарамастан, жаңбыр, найзағай мен бұршақ тағы да қайталануы мүмкін. Бұл күні ауа райы санаулы минуттардың ішінде өзгеруі мүмкін, сондықтан серуендеуге шыққанда су өтпейтін киім алған дұрыс.
Жексенбі, 25 мамыр
Түнде температура +13…+15°C-қа дейін төмендейді. Түн бұлтты, жаңбырлы болуы ықтимал, найзағай ойнайды. Жел оңтүстік-батыстан соғады – 5–10 м/с, екпіні 15 м/с-қа дейін жетеді. Күндіз ауа +25…+27°C-қа дейін жылынады. Күн бұлтты болады, қысқа мерзімді жаңбыр, найзағай және бұршақ болжанады. Таңертең аспан ашық болса да, күн құбылмалы болады.
