Қытайдағы жер сілкінісі Қазақстанға жетті
Фото: istockphoto.com
2025 жылғы 19 мамырда кешкі сағат 23:03-те Қазақстан уақыты бойынша Төтенше жағдайлар министрлігіне қарасты Ұлттық сейсмологиялық бақылау және зерттеу ғылыми орталығы (ҰСБЗҒО) жер сілкінісін тіркеді, – деп хабарлайды KazTaspa.kz ресми хабарламаға сілтеме жасап.
Жерасты дүмпулері Қытай аумағында, Алматыдан оңтүстік-шығысқа қарай шамамен 909 шақырым қашықтықта болған.
Мамандардың айтуынша, дүмпулер әлсіз болғандықтан, Қазақстанның ешбір өңірінде сезілген жоқ. Жер сілкінісінің күші сезілу шегіне жетпеген.
Сейсмологтар жағдайды бақылауды жалғастыруда және халыққа қауіп төніп тұрған жоқ екенін мәлімдеді. Егер жаңа жерасты дүмпулері орын алса, қазақстандықтар жедел түрде хабардар етіледі.
