Хромтаудағы шахтада төтенше жағдай: жұмысшылар зардап шекті
Фото: Getty Images
Ақтөбе облысы Хромтау ауданындағы Дон тау-байыту комбинатына қарасты «Болашақ» шахтасында жабдықты монтаждау кезінде өндіру блогының бірінде ауа қоспасы кенеттен тұтанып кетті, – деп хабарлайды KazTaspa.kz.
Бұл жағдай газдың жиналып қалуы мен ұшқынның пайда болуына байланысты болуы мүмкін.
Оқиға болған сәтте шахтада үш электр құралын орнататын маман болған.
«Жұмысшылардың беті мен қолы күйіп қалды. Олар тез арада Хромтаудың орталық аудандық ауруханасына жеткізілді. Дәрігерлер барлық қажетті көмекті көрсетуде. Ер адамдардың жағдайы тұрақты»,
Сондай-ақ ресми ақпаратта комбинат әкімшілігі зардап шеккен жұмысшылардың туыстары және дәрігерлермен үнемі байланыста екені жеткізілді. Қазіргі таңда мамандар оқиға орнында орын алған жағдайдың себебін анықтауда.
