Келесі оқу жылында қолданылатын оқулықтар сараптамадан өткізіледі
2025-2026 оқу жылында қолданылатын оқулықтар мен оқу-әдістемелік кешендер ҚР Оқу-ағарту министрлігінің Республикалық ғылыми-практикалық білім мазмұнын сараптау орталығы тарапымен сараптамадан өткізіледі, – деп хабарлайды KazTaspa.kz ресми ақпаратқа сілтеме жасап.
Пәндік сараптама комиссиясы құрамына педагогтер мен ғалымдар кіреді. Оқу әдебиеттері әр басылымды сынақтан өткізу мен талдау нәтижелеріне негізделіп бағаланады. Бағалау ғылыми-педагогикалық талаптарға сәйкес жүреді.
BMSO сарапшысымен қосылған топ онлайн режимде ғылыми-педагогикалық сараптама жүргізеді. Бірінші кезең қорытындысы бойынша, оқулықтың ұсынылатыны, ұсынылмайтыны немесе пысықтауды талап ететіндігі жайлы шешім қабылданады. Екінші кезеңде пысықталған оқулық қайта қаралады.
Апробация пилоттық мектептер базасында жүргізіледі. Одан бөлек, оқулықтардың анонимді макеті жарияланып, қоғамдық талқылауға шығарылады.
Нәтижесінде комиссия тізімге оқулықты енгізу немесе енгізбеу жайлы шешім қабылдайды.
