Қазақстандағы арнайы ХҚКО-да тұлғаны бет-әлпетімен тексеру басталды

Қазақстандағы арнайы ХҚКО-да азаматтарды биометриялық деректер арқылы тексере бастады. Енді ешқандай “айла” мен бөгде адамның фотосуреті өтпейді, деп хабарлайды KazTaspa.kz.

Егер сіз көлік тіркегіңіз немесе жүргізуші куәлігін алғыңыз келсе – дайын болыңыз: енді арнайы ХҚКО-да сізден тек құжат қана емес, сол жерде фотосурет те алынады. Алынған бейне автоматты түрде Мемлекеттік дерекқордағы суретпен салыстырылады. Егер сәйкестік болмаса – қызмет көрсетілмейді.

«Ешқандай айла назардан тыс қалмайды. Биометрия – бұл мемлекеттік қызметтер жүйесінің адалдығы мен ашықтығына жасалған қадам»,  – деді «Азаматтарға арналған үкімет» мемлекеттік корпорациясының басқарма төрағасы Арман Кенжегалиев.

Бұл қалай жұмыс істейді?

Арнайы ХҚКО-ға келесіз – сізді сол жерде суретке түсіреді;Жүйе сіздің бетіңізді мемлекеттік базадағы фотомен салыстырады;

Егер сәйкестік бар болса – қызмет көрсетіледі. Егер жоқ болса – процесс бұғатталады.

Бұрын бәрі қызметкердің мұқияттылығына байланысты болатын: фотоны дұрыс тексеріп, бір оқас фактіні байқамай қалмаса болғаны.  Қазіргі таңда бұл мәселенің бәрін технология шешеді. Бұл әсіресе жүргізуші куәлігін алу, көлік тіркеу немесе басқа да маңызды қызметтер көрсетуде маңызды, себебі дәл осы тұстарда айлакерлік жағдайлар жиі кездескен.

Егер жүйе сізді танымаса не істеу керек?

Егер қандай да бір себеппен жүйе сіздің жеке басыңызды растамаса – қызмет уақытша тоқтатылады. Бұл тәсілдің тиімділігі осында: ешқандай “жеңілдікке” жол жоқ.

Шет елдер тәжірибесіКейбір елдерде мұндай жүйелер әлдеқашан қолданысқа еніп қойған.Эстонияда биометрия – жеке куәлік алу кезінде стандартты рәсім саналадц;

БАӘ мен Сингапурда – әуежайлардағы автоматтандырылған паспорттық бақылауда қолданылады;

Үндістанда – ондаған миллион адам мемлекеттік қызметтер мен әлеуметтік көмекті делдалсыз алу үшін биометрияны пайдаланады.