Қазақстанда қалыңдық ұрлағандарды түрмеге қамауы мүмкін
Қазақстанда мәжбүрлі некеге тұрғызу үшін жазалау шаралары күшейтілмек. Енді адамды некеге мәжбүрлегені үшін нақты жаза — 7 жылға дейін бас бостандығынан айыру болуы мүмкін. Бұл туралы мәжіліс депутаты Мұрат Әбенов хабарлады, – деп жазады KazTaspa.kz.
Елдің кейбір өңірлерінде қызды еркінен тыс алып қашу, яғни мәжбүрлі «құда түсу» әлі де кездеседі. Мұндай әрекеттер жиі «дәстүр» деп ақталғанымен, іс жүзінде бұл — адам құқықтарының өрескел бұзылуы.
Қалыңдық ұрлаған жазаға тартылады
Қылмыстық кодекске енгізілетін жаңа бапта — «Некеге мәжбүрлеу» мәселесі қарастырылған. Әбеновтың айтуынша, бұл бап тек қыз алып қашу жағдайларын ғана емес, сондай-ақ кез келген адамды еріксіз некеге тарту жағдайларын қамтиды.
«Жауапкершіліктің үш деңгейі болады. Ең жеңіл жаза – айыппұл. Ал егер күш қолдану, кәмелетке толмағандармен қатысты немесе топпен жасалған қылмыстық әрекеттер болса – бұл 5–7 жылға дейін бас бостандығынан айыру жазасын көздейтін қылмыстық жауапкершілікке әкеледі»,
Қазіргі уақытта заң жобасы Мәжілісте қаралуда, және келесі аптада ол екінші оқылымға шығарылуы мүмкін.
Айыппұлдың нақты мөлшері заң жобасында әзірге көрсетілмеген.
