Қазақстанда баскетбол спортын дамыту бойынша қадамдар жасалуда
Қазақстанда FIBA халықаралық баскетбол федерациясының бас хатшысымен кездесу жүргізілді, – деп хабарлайды Taspanews.kz ҚР Туризм және спорт министрлігіне сілтеме жасап.
ҚР Премьер-министрінің орынбасары Ермек Көшербаев пен Қазақстанға арнайы шақырылған Халықаралық баскетбол федерациясының (FIBA) бас хатшысы Андреас Заглис ресми кездесу өткізді.
Кездесуге ҚР Туризм және спорт министрі Ербол Мырзабосынов, сондай-ақ Қазақстан баскетбол федерациясының президенті Абай Алпамысов қатысты.
Мақсат ретінде Қазақстандағы баскетбол спортын дамыту бойынша сұрақтарды талқылау алға қойылды. Ұлттық федерацияға серпін беретін FIBA Plus бағдарламасын Қазақстанда іске асыру мүмкіндігі сөз болды. Бұл бастаманы жүзеге асыруда Қазақстан ұлттық баскетбол федерациясы ат салысады.
