Қазақстанда алғаш рет сән индустриясы бизнесіне логистикалық қызмет ұйымдастырылды

Астанадан Алматыға дейін Talgo пойызы арқылы алғаш рет 1.7 тонна коммерциялық жүк жеткізілді. Бұл жоба жүк жеткізу мерзімін қысқартуға, тасымалдау сапасын арттырып, сән индустриясы бизнесіне сапалы логистикалық қызмет ұсынуға бағытталды, – деп хабарлайды Taspanews.kz ҚР ҚТЖ сілтеме жасап.

Жаңа модель арқылы 1000-нан астам дүкен мен 2500-ге жуық сауда нүктелеріне тауар жеткізіледі. Өңірлерге өнім жіберу қолжетімді бола түседі. Тасымалдау шығыны азаяды.

«Бұл тасымал Ұлттық тасымалдаушы мен еліміздегі fashion-ритейлерлердің 80%-дан астамына қызмет көрсететін Warehouse Management IAA компаниясының серіктестігімен жүзеге асты», – делінген ресми хабарламада.