Қарғалар Семейде балаларға шабуыл жасады
Семей қаласында қарғалар жеке балабақша маңында балалар мен олардың ата-аналарына шабуыл жасаған. Бұл жағдайға қарғаның ұясынан түсіп кеткен балапан себеп болған. Ата-анасы оны қорғап, адамдарды маңайлатпай қойған, – деп хабарлайды Taspanews.kz ҚР ТЖМ баспасөз қызметіне сілтеме жасап.
ҚР Төтенше жағдайлар министрлігінің мәліметінше, оқиға Семейдегі №20 көшедегі ясли-бақша жанында болған.
«Кішкентай балапан кездейсоқ балабақша кіреберісіне түсіп кеткен, осыған байланысты қарғалар адамдар мен балаларды қуып, өз ұрпағын қорғай бастаған»,
Төтенше жағдайлар департаментінің қызметкерлері оқиға орнына жедел жетіп, балапанды қауіпсіз жерге көшіріп, балабақшадан алысқа апарды. Ешкім зардап шеккен жоқ.
Құтқарушылар мұндай жағдайлар жиі кездесетінін атап өтті. Ата-аналық құстар балапандарын қорғау үшін агрессивті әрекет етуі мүмкін. Сондықтан мұндай кезде сабырлық пен сақтық таныту қажет.
Егер сізге қарғалар немесе басқа да құстар агрессивті көрінсе, қауіпсіздік үшін мына қарапайым ережелерді есте сақтаңыз:
Балапандарға немесе ұяларға жақындамаңыз –құстар қорғану мақсатында шабуыл жасауы мүмкін.
Балаларға жабайы құстарға жақындауға немесе оларды ұстауға болмайтынын түсіндіріңіз.
Құс шабуылдай бастаса – қорықпаңыз, қолыңызды сермемей, жаймен алыстап кетіңіз.
Құстардың қасында айқайламаңыз және кенеттен қозғалыс жасамаңыз – бұл оларды одан әрі мазасыздандырады.
Егер құстар адамдарға қауіп төндірсе, жергілікті қызметтерге немесе құтқарушыларға хабарласыңыз.
Балаларға серуен кезінде бас киім немесе қалпақ кигізіңіз – бұл құстардың соққысынан қорғай алады.
