"Болашақ" шахтасындағы өртті тергеу бойынша комиссия құрылады
Фото: Pexels
2025 жылы 26 мамыр күні "Қазхром Трансұлттық компаниясы" Дон тау-кен байыту комбинатының АҚ "Болашақ" шахтасында болған апатты тергеу үшін тергеу жөніндегі комиссия құрылады, – деп хабарлайды KazTaspa.kz ҚР ТЖМ сілтеме жасап.
Төтенше жағдайлар вице-министрі Серік Төленбергенов Ақтөбеде кәсіпорын басшылығы мен мемлекеттік органдарының қатысуымен кеңес өткізді. Кеңес қорытындысы бойынша ол Өнеркәсіптік қауіпсіздік комитеті төрағасы орынбасарының төрағалығымен тергеу комиссиясын құруды тапсырды.
Осы орайда оқиғаның себептері анықталатын болады.
Қазіргі таңда сутегі шығындыларының қайталануына байланысты және жұмысшылардың қауіпсіздігін қамтамасыз ету үшін шахтада барлық жұмыстар тоқтайды.
