Батыс Қазақстан облысында педофил әкімшілік қадағалаусыз жүрген
Фото: Depositphotos
Батыс Қазақстан облысы, Қаратөбе ауданында педофил 7 жыл бойы әкімшілік қадағалаусыз жүрген, – деп хабарлайды Taspanews.kz ҚР Бас прокуратурасына сілтеме жасап.
Аудан прокуратурасы 2009 жылы кәмелетке толмағанды зорлаған ер адамның ісін қайта қарады. 8 жыл жазасын өтеген соң бостандыққа шыққан оған қылмысты алдын алуын бақылайтын әкімшілік қадағалау жүрмеген.
Қылмыстық кодекстің 79-бабына сай, бұл педофилге қатысты әкімшілік қадағалау жаза өтеліп біткен соң, соттылығы аяқталғанға дейін 8 жыл бойы іске асуға тиіс болған.
Нәтижесінде, аудан прокуратурасы сотқа өтінішхат жолдады. Азаматқа қатысты әкімшілік қадағалау 10.02.2025 күні белгіленді. Құқық бұзушылықты алдын алу үшін Заңмен шектеулер қойылды.
