Астанада LRT вагондары рельстерге орналастырылуда
Фото: Astanovka98
Қытайда дайындалып, Астанаға жеткізілген жеңіл рельсті транспорт – LRT рельстерге орналастырылуда, – деп хабарлайды KazTaspa.kz Astanovka98 сілтеме жасап.
Еске салсақ, жақында LRT вагондары қандай болатыны көрсетілді. Болашақта осындай әрқайсы 650 жолаушыға есептелген тағы 17 құрам жіберіледі. LRT құрамдарын елордаға жіберу жылдың соңына дейін жүзеге аспақ.
Фото: Astanovka98
Одан бөлек, Астанада LRT диспетчерлеріне сұраныс пайда болды. Диспетчердің негізгі міндеттеріне оперативтік басқару, құрамның қозғалыс режимін түзету туралы уақытылы шешім қабылдау, жолаушыларды кесте мен төтенше жағдайларға әрекет ету тәртіптеріне сәйкес қауіпсіз және уақытылы тасымалдауды қамтамасыз ету кіреді.
