Алматыда демалыс күндері ауа райы жайлы болады
Фото: pixabay.com
Жұма мен жексенбі аралығы, сәуірдің 11-і, 12-і мен 13-інде Алматыда нағыз көктемгі, жайлы ауа райы орнайды, – деп хабарлайды Taspanews.kz "ҚазГидроМет" РМК сілтеме жасап.
Жұма, 11 сәуір
Күндіз ауа температурасы 21-23 градусқа дейін көтеріледі. Аспан көшпелі бұлтты болады, алайда айтарлықтай жауын-шашын болжанбайды. Оңтүстік және оңтүстік-батыстан соғатын жел жылдамдығы секундына 3-8 метрге дейін жетеді.
Сенбі, 12 сәуір
Күндіз термометр бағаны 25-27 градусты көрсетеді. Күн ашық болады, жел секундына 3-8 метр болады.
13 сәуір, жексенбі
Демалыстың соңғы күні ауа райы жылы әрі күн ашық болады. Ауа температурасы 25-27 градус аралығында сақталады. Жел секундына 3-тен 8 метрге дейін ауытқиды. Атмосфералық қысым тұрақты болады, жауын-шашын болмайды.
