18 маусым бойынша ауа райы болжамы
Қазақстанда алдағы тәулікте, яғни 17 маусым кешінен 18 маусым кешіне дейін, ауа райы өте тұрақсыз болады. Бірнеше аймақта синоптиктер дауылды ескерту жариялады. Елдің бір бөлігінде – аптаған ыстық пен шаңды дауыл, ал басқа өңірлерде – найзағай, дауыл және бұршақ болжанады, - деп хабарлайды KazTaspa.kz «Қазгидромет» РМК сілтеме жасап.
Құтқарушылар тұрғындарды ерекше сақ болуға шақырады.
Оңтүстік және батыс аймақтарда +46°C дейін аптаған ыстық және шаңды дауылдар болады.
Қызылорда, Түркістан, Жамбыл, Атырау және Маңғыстау облыстарында ауа температурасы +43 +46 градусқа дейін көтеріледі. Кейбір аудандарда шаңды дауыл мен екпінді жел болжануда, бұл жолдағы көріну мүмкіндігін айтарлықтай нашарлатуы мүмкін.
«Бұл өңірлерде жоғары, кей жерлерде аса жоғары өрт қаупі сақталады. Тұрғындарға күннің ең ыстық уақытында далаға шықпау, алыс жолға шықпау және қауіпсіздік шараларын қатаң сақтау ұсынылады. Бас киімсіз қысқа серуеннің өзі күн өтуге әкелуі мүмкін»,
Орталық және солтүстік өңірлер: найзағай, нөсер және қатты жел
Қарағанды, Ақмола, Павлодар, Солтүстік Қазақстан, Қостанай және Ақтөбе облыстарында жаңбыр жауады, кей жерлерде бұршақ болуы мүмкін.
«Бұл аймақтарда найзағай, екпіні 28 м/с-қа дейін жететін жел болжанады. Ауа температурасы +30-дан +36 градусқа дейін ауытқиды. Жүргізушілерге ерекше абай болу керек: екпінді жел мен жауын-шашын жолда апатты жағдайлар туындатуы мүмкін. Сондай-ақ көліктерді ағаштардың астына немесе әлсіз құрылымдардың жанына қоюға болмайды – құлаған бұтақтар немесе құрылыс бөлшектері зақым келтіруі мүмкін»,
Шығыс Қазақстан: тұрақсыз әрі қауіпті ауа райы
Шығыс Қазақстан және Абай облыстарында найзағай, кей жерлерде бұршақ және жылдамдығы 25 м/с-қа дейін жел болжанады. Ауа райы құбылмалы болады: таңертең ашық болуы мүмкін, алайда кешке қарай күрт өзгереді. Ауа температурасы +33 градусқа дейін көтеріледі.
Астана мен Алматы: аптап және өткінші жауын-шашын қаупі
Астанада +36 градусқа дейін ыстық болжанады. Күндіз өткінші нөсер мен найзағай болуы мүмкін, сондай-ақ жел екпіні күшейеді. Астаналықтар ауа райының күрт өзгеруіне дайын болуы керек – жауын-шашын болуы мүмкін.
Алматыда шамамен ауа температурасы +34 градус болады. Негізінен құрғақ ауа райы, алайда жекелеген аудандарда өткінші жауын мен жел болуы мүмкін.
